گرڈ ٹریڈنگ حکمت عملی: یہ کیا ہے اور یہ کیسے کام کرتی ہے

گرڈ ٹریڈنگ ان تجربہ کار ٹریڈرز کے لیے مثالی ہے جو کرنسیز اور CFD مارکیٹ میں قیمتوں کی معمول کی وولیٹیلیٹی سے فائدہ اٹھانے کے لیے لمٹ اور سٹاپ آرڈرز کا استعمال کر رہے ہیں۔ گرڈ ٹریڈنگ کی حکمت عملی اور زیر التواء آرڈرز کی اہمیت کے متعلق جانیں جو آپ کی فاریکس ٹریڈنگ کی تکنیکوں کو ماہر انہ سطح تک آگے بڑھانے کے لیے استعمال کیے جاتے ہیں۔

نئے اور تجربہ کار ٹریڈرز کی جانب سے استعمال کی جانے والی سینکڑوں ٹریڈنگ حکمت عملیاں موجود ہیں۔ سب سے عام حکمت عملی پرائس ایکشن ہے، جہاں ٹریڈرز رجحان کو فالو کرتے ہیں۔ دیگر عام طریقہ کار سکیلپنگ، سوئنگ ٹریڈنگ، اور ہیجنگ کی حکمت عملیاں ہیں۔

کسی بھی نئے ٹریڈر کے لیے چیلنج ایک ایسا ٹریڈنگ کا طریقہ تلاش کرنا ہے جو ان کے اسٹائل کے مطابق ہو۔ حکمت عملیوں کے متعلق آن لائن بہت زیادہ معلومات کے ساتھ، نئے ٹریڈرز کو اکثر استعمال کرنے کی بہترین حکمت عملی کے بارے میں وضاحت کی ضرورت ہوتی ہے۔ یہ مضمون گرڈ ٹریڈنگ حکمت عملی پر توجہ مرکوز کرے گا، جو عام طور پر زیادہ تجربہ کار ٹریڈرز کی طرف سے استعمال کی جاتی ہے۔

گرڈ ٹریڈنگ حکمت عملی کیا ہے؟

مالیاتی مارکیٹس میں، گرڈ ٹریڈنگ ایک حکمت عملی ہے جس میں بائے (لانگ) اور سیل (شارٹ) دونوں آرڈرز کو بنیادی قیمت سے اوپر اور نیچے پہلے سے طے شدہ قیمت کی سطحوں پر رکھنا شامل ہوتا ہے۔ یہ آرڈرز ایک منظم گرڈ میں ترتیب دیے گئے ہیں، مقررہ یا حکمت عملی کے لحاظ سے وقفے ہو سکتے ہیں۔ ان کا مقصد یہ ہے کہ بار بار لو بائے کر کے اور ہائی سیل کر کے قیمتوں کے چھوٹے اتار چڑھاؤ کا فائدہ اٹھایا جائے۔ یہ حکمت عملی رینج باؤنڈ مارکیٹس میں سب سے زیادہ موثر ہوتی ہے، جہاں قیمتیں ایک متوقع رینج کے اندر جھولتی ہیں، اگرچہ اسے رجحان ساز حالات کے مطابق ڈھالا جا سکتا ہے۔

رینج باؤنڈ مارکیٹ کی مثال:

گرڈ ٹریڈنگ کے اقدامات:

1. مارکیٹ کی نوعیت کا تعین کریں—آیا ٹرینڈنگ ہے یا رینجنگ۔ اگر مارکیٹ رینجنگ میں ہے تو مرحلہ 2 پر جائیں۔
2. بنیادی قیمت کا انتخاب کریں—موٹی سبز لائن گرڈ کے لیے بنیادی قیمت ہے۔
3. ہائیز اور لوز کو شناخت کریں—یعنی رینج۔ سیاہ لکیریں انہیں نشان زد کرتی ہیں۔
4. بنیادی قیمت کے اوپر سیل لمٹ آرڈرز رکھیں—سبز—اور قیمت کے نیچے بائے لمٹ آرڈر رکھیں۔
5. لمٹ آرڈر کو برابر وقفوں پر رکھا جانا چاہیے۔

گرڈ ٹریڈنگ کی اقسام

اس حکمت عملی کی دو اقسام ہیں:

• خالص ٹریڈنگ گرڈ

اس کا اصول اس فکر کے بغیر بائے اور سیل آرڈرز کرنا ہے کہ آیا مارکیٹ اوپر جا رہی ہے یا نیچے جا رہی ہے۔ آپ مخصوص قیمتیں مقرر کرتے ہیں جہاں آپ بائے یا سیل کرنا چاہتے ہیں۔ جیسے ہی قیمت ان پوائنٹس پر پہنچ جاتی ہے تو، آپ کے آرڈرز پر عمل درآمد ہو جاتا ہے۔ اس سے کوئی فرق نہیں پڑتا ہے کہ مارکیٹ کسی خاص سمت میں آگے بڑھ رہی ہے— آپ کے آرڈرز پر پھر بھی عملدرآمد ہو گا۔

• ترمیم شدہ ٹریڈنگ گرڈ

ٹریڈنگ کے اس انداز میں، آپ اب بھی بائے اور سیل آرڈرز سیٹ کرتے ہیں، مگر آپ انہیں صرف اس وقت استعمال کرتے ہیں جب مارکیٹ کسی خاص سمت میں جا رہی ہو، جیسے کہ ایک مستحکم تیزی کا رجحان یا مندی کا رجحان۔ اس طرح، آپ بہتر ٹریڈز کرنے کے لیے ان رجحانات سے فائدہ اٹھا سکتے ہیں۔

گرڈ ٹریڈنگ کے مختلف متغیرات ہیں:

فاریکس ٹریڈرز گرڈ ٹریڈنگ کی حکمت عملی کیوں استعمال کرتے ہیں

یہ نقطہ نظر لمٹ اور سٹاپ آرڈرز کا استعمال کر کے کرنسیوں اور CFD مارکیٹ میں ہونے والی اوسط قیمت کی وولیٹیلیٹی سے فائدہ اٹھانا چاہتا ہے۔ بائے اور سیل کے زیر التواء آرڈرز مارکیٹ پرائس سے اوپر باقاعدہ وقفوں پر رکھے جاتے ہیں۔

حکمت عملی کو صحیح طور پر استعمال کرنے کے لئے، زیر التواء آرڈرز کو سمجھنا ضروری ہے۔ زیادہ تر فاریکس ٹریڈنگ پلیٹ فارمز میں زیر التواء آرڈرز فراہم کیے جاتے ہیں تاکہ ٹریڈرز کو آرڈرز شروع کرنے کے قابل بنایا جا سکے یہاں تک کہ جب وہ مینوئل طور پر ایسا کرنے کے لیے موجود نہ ہوں۔

زیر التوا آرڈرز کی اقسام

دو عام قسم کے زیر التواء آرڈرز لمٹ اور اسٹاپ آرڈرز ہیں۔ بائے لمٹ آرڈر ایک سیکیورٹی کو مخصوص قیمت یا اس سے نیچے بائے کرنے کا آرڈر ہوتا ہے۔ ایک سیل لمٹ مخصوص قیمت یا اس سے اوپر سیل کرنے کا آرڈر ہوتا ہے۔ دوسری طرف، بائے سٹاپ ایک ایسا آرڈر ہوتا ہے جس کے ذریعے موجودہ قیمت سے اوپر سیکورٹی بائے کی جاتی ہے، جبکہ سیل سٹاپ ایک ایسا آرڈر ہوتا ہے جس کے ذریعے موجودہ قیمت سے نیچے سیکورٹی سیل کی جاتی ہے۔ سیکیورٹی کرنسی پیئرز، کموڈیٹیز، انڈائسز، کرپٹو کرنسیز، یا اسٹاکس کی CFDs کی جانب اشارہ کرتی ہے۔

Octa میں لمٹ آرڈرز کیسے کریں:

لمٹ آرڈرز رکھنے کے لئے، ڈیسک ٹاپ پر نیا آرڈر ٹیب پر جائیں—1۔ ایپ میں، یہ بائیں نچلے کونے میں واقع ہوتا ہے۔ زیر التواء آرڈر اور بائے لمٹ منتخب کریں- 2۔

گرڈ ٹریڈنگ کی حکمت عملی کیوں؟

ٹریڈرز کئی وجوہات کی بنا پر گرڈ حکمت عملی استعمال کرتے ہیں:

• اول، اس کو مارکیٹ میں اہم ریلیزز کے علم کی ضرورت نہیں ہوتی ہے، جیسے کہ معاشی ڈیٹا میں پایا جاتا ہے۔
• دوم، یہ طریقہ کار اس وقت موزوں ہوتا ہے جب رینج باؤنڈ مارکیٹس میں ٹریڈنگ کی جائے، جو ٹرینڈ ٹریڈرز کے ساتھ مقبول نہیں ہیں۔

گرڈ ٹریڈنگ کی مثال

آئیے چارٹ سے ایک مثال دیکھیں۔ ہم EURGBP کو ایک مثال کے طور پر استعمال کرنے جا رہے ہیں۔

یاد کریں وہ اقدامات جو ہم نے پہلے شناخت کئے تھے:

1. مارکیٹ کی نوعیت کا تعین کریں (ٹرینڈنگ یا رینجنگ)۔ EURGBP رینج باؤنڈ تھا، لہذا ہم مرحلہ #2 میں چلے گئے۔
2. بنیادی قیمت کا انتخاب کریں—بنیادی قیمت نیچے دکھائی گئی ہے (0.83608) کی قیمت پر۔



3. ہائیز اور لوز کو شناخت کریں (رینج)۔ نیلی لائنز نے ان کو 0.84227 پر اوپری طرف اور 0.83001 پر نچلی جانب نشان زد کیا۔
4. بنیادی قیمت کے اوپر سیل لمٹ آرڈرز اور قیمت کے نیچے بائے لمٹ آرڈرز رکھیں۔
5. سرمایہ کے تحفظ کے لئے اگر ٹریڈ آپ کے خلاف جائے تو، اسٹاپ لاس سیل لمٹ کے اوپر اور بائے لمٹ کے نیچے رکھیں۔

گرڈ ٹریڈنگ کی حکمت عملی بغیر ہیج کے

گرڈ ٹریڈنگ کی دوسری قسم بغیر ہیج کے ہے۔ اس میں، ٹریڈر زیر التوا آرڈرز استعمال کرتا ہے جن کی اوپر وضاحت کی گئی ہیں اور دو متضاد آرڈرز کی ضرورت نہیں ہوتی ہے۔ پہلا قدم سیکیورٹی کی سمت کا انتخاب کرنا ہے۔ آپ محض چارٹ پر نگاہ کر کے اور دیکھ کر فیصلہ کر سکتے ہیں کہ سیکیورٹی کس سمت میں چل رہی ہے۔ اگر یہ اوپر کی طرف جا رہی ہے تو، آپ کی حکمت عملی بائے کرنے کے لئے ہو گی۔ پھر، یہ معاون ہو گی اگر آپ نے گرڈ کے یونٹ سائزز کا فیصلہ کیا۔

اگر EURUSD پیئر کی مارکیٹ پرائس 1.1200 پر ہے، اور آپ کا گرڈ سائز دس پپس ہے، تو آپ بائے لمٹ آرڈرز 1.1210، 1.1220، اور 1.1230 پر رکھ سکتے ہیں۔ ایک ہی وقت میں، آپ ان سطحوں پر سیل لمٹ آرڈرز رکھیں گے۔ اس صورت میں، اگر پیئر 1.1210 کی سطح تک پہنچتا ہے، تو بائے اور سیل لمٹ آرڈرز شروع ہوں گے۔ اگر یہ 1.1250 تک بڑھنا جاری رکھے، تو بائے لمٹ ٹریڈز کا منافع سیل لمٹ ٹریڈز کے نقصانات سے زیادہ ہو گا۔

گرڈ ٹریڈنگ کی حکمت عملی تجربہ کار ٹریڈرز کے لئے ایک مثالی طریقہ ہے، لیکن نئے ٹریڈرز کے لئے زیادہ آسان ہو سکتی ہے۔ اسے عمدگی سے استعمال کرنے کے لئے، آپ کو وقت لینا چاہیے تاکہ اس کے متعلق مزید جانیں اور ڈیمو اکاؤنٹ استعمال کرتے ہوئے مشق کریں۔ ایسا کرنے سے آپ اپنی صلاحیتوں کو بہتر بنا سکیں گے اور مثالی طریقہ شناخت کر پائیں گے تاکہ اپنی ٹریڈنگ میں اسے اپلائی کریں۔

گرڈ ٹریڈنگ کے فوائد اور نقصانات

گرڈ ٹریڈنگ کے چند فوائد:

• آپ کو پیشگوئی کرنے کی ضرورت نہیں ہوتی ہے کہ قیمتیں کہاں جائیں گی۔ چاہے مارکیٹ اوپر ہو، نیچے ہو، یا بس قلانچیں بھر رہی ہو، آپ پھر بھی ٹریڈز کر سکتے ہیں۔ آپ صرف اپنے آرڈرز کو باقاعدہ وقفوں پر لگا کر قیمتوں کی تبدیلیوں سے فائدہ اٹھا سکتے ہیں جب وہ وقوع پذیر ہوتی ہیں۔
• اگر قیمتیں محدود رینج کے اندر اوپر نیچے ہو رہی ہوں (جیسے گیند دو پوائنٹس کے بیچ اچھل رہی ہوتی ہے)، تو آپ بار بار چھوٹے منافع جات کما سکتے ہیں۔ آپ وولیٹیلیٹی کی بنیاد پر اپنے آرڈرز کے درمیان فاصلے میں ردوبدل کر سکتے ہیں۔
• آپ اپنا سافٹ ویئر استعمال کر کے ٹریڈنگ کو خود کار بنا سکتے ہیں، جس کا مطلب یہ ہے کہ آپ کو ہمیشہ مارکیٹ کی نگرانی کرنے کی ضرورت نہیں پڑتی ہے، جو واقعی دباؤ کا باعث بن سکتی ہے۔ آپ اپنے منافع جات کی حفاظت کرنے کے لیے حدود کا تعین کر سکتے ہیں اور نقصانات کو محدود کرنے کے لئے حد مقرر کر سکتے ہیں، جو اسے منظم کرنا آسان بناتا ہے۔

گرڈ ٹریڈنگ کے چند نقصانات:

• اگر مارکیٹ مسلسل ایک سمت میں بڑھ رہی ہے، تو آپ کو بھاری نقصانات ہو سکتے ہیں۔ اگر قیمتیں بغیر واپس ہوئے آپ کے آرڈرز کو بار بار ضرب لگاتی رہیں تو، آپ تیزی سے پیسے کھو سکتے ہیں۔
• کیونکہ آپ بہت سے آرڈرز لگا رہے ہیں، آپ کو فیسوں (جیسے کہ اسپریڈز یا کمیشنز) کی مد میں زیادہ ادائیگی کرنا پڑ سکتی ہیں۔ یہ اخراجات آپ کے منافع جات میں کمی کر سکتے ہیں، خاص طور پر اگر آپ کم سرمایہ کاری کے ساتھ ٹریڈنگ کر رہے ہیں۔
• گرڈ ٹریڈنگ کے لئے کافی منصوبہ بندی کی ضرورت ہوتی ہے۔ آپ کو کئی پہلوؤں پر غور کرنا پڑتا ہے، جیسے کہ آپ کے آرڈرز کے درمیان فاصلہ کتنا ہونا چاہئے اور کون سی حدود مقرر کی جائیں۔ لہذا، بہتر ہوگا کہ آپ اپنی حکمت عملی کو حقیقی رقم کے ساتھ استعمال کرنے سے پہلے ڈیمو اکاؤنٹ پر آزمائیں۔

کیا گرڈ ٹریڈنگ منافع بخش ہے؟

گرڈ ٹریڈنگ بہترین طور پر کام کرتی ہے جب مارکیٹ کسی خاص رینج کے اندر اوپر نیچے ہو رہی ہو بجائے اس کے کہ ایک سمت میں طویل عرصے تک جا رہی ہو۔ بعض کرنسی پیئرز گرڈ ٹریڈنگ کے لئے دوسرے سے بہتر ہیں۔ مثال کے طور پر،EURGBP پیئر رینج کے اندر حرکت کرنے کے رجحان میں ہوتا ہے، جو اسے ایک اچھا انتخاب بناتا ہے۔ ین (JPY) پیئر بھی کام کر سکتا ہے، لیکن کبھی کبھار یہ کچھ وقت کے لئے ایک سمت میں چلتا ہے، جو خطرناک ہو سکتا ہے۔

ٹریڈنگ کرتے وقت، اپنے پیسے کی حفاظت کرنے کے لئے ایک اچھی منصوبہ بندی کی اہمیت ہے، چاہے آپ کی گرڈ ٹریڈنگ حکمت عملی عموماً اچھا کام کرتی ہو۔ گرڈ ٹریڈنگ میں، آپ کے پاس 60% سے زیادہ وقت منافع جات حاصل کرنے کا موقع ہوتا ہے۔ تاہم، یہ بہت اہم ہے کہ آپ پہلے سے فیصلہ کر لیں کہ آپ ہر ٹریڈ پر ممکنہ طور پر کتنا پیسہ کھونے کے لئے تیار ہیں اور یہ بھی یقینی بنائیں کہ اگر آپ نے متعدد ٹریڈز کھول رکھی ہوں، تو آپ کی ممکنہ نقصانات کی مجموعی رقم، زیادہ سے زیادہ، آپ کی کل رقم کے ایک مخصوص فیصد سے زائد نہ ہو گی۔ مثال کے طور پر، اگر آپ تیار ہیں کہ ایک ٹریڈ میں $100 خسارہ اٹھا سکتے ہیں تو، تین ٹریڈز کے اندر، آپ کو مشورہ دیا جاتا ہے کہ خود کو $300 کے مجموعی ممکنہ نقصان تک محدود رکھیں، تاکہ آپ مزید رقم کمانے کی کوشش کرتے ہوئے اپنا پیسہ محفوظ رکھ سکیں۔

آپ ہمارے آرٹیکل 'ٹریڈنگ حکمت عملیاں۔ آپ 10 منٹوں میں اپنے اہداف سے ہم آہنگ کسی ایک کو کیسے اپنائیں؟' میں منافع بخش ٹریڈنگ کی حکمت عملیوں پر مزید پڑھ سکتے ہیں۔

کامیاب گرڈ ٹریڈنگ کے لیے تجاویز

• گرڈ ٹریڈنگ اس وقت بہترین کام کرتی ہے جب مارکیٹ بار بار اوپر اور نیچے کی طرف حرکت کرتی ہے یعنی (اتار چڑھاؤ) مگر صرف ایک سمت میں مختصر وقت کے لیے یعنی (رینج باؤنڈ)۔ اس سے پہلے کہ آپ ٹریڈنگ شروع کریں، چیک کر لیں کہ آیا مارکیٹ آپ کی حکمت عملی کو کام میں لانے کے لیے کافی حد تک باؤنس کر رہی ہے۔
• اس سے مدد ملتی ہے اگر آپ کے پاس خود کو بہت زیادہ رقم کے کھونے سے بچانے کے لیے قواعد موجود ہوں۔ ان قواعد میں یہ فیصلہ کرنا شامل ہے کہ کب کھونے کو روکنا ہے یعنی (اسٹاپ لاس) اور کب اپنے منافع جات لینے ہیں یعنی کہ (ٹیک-پرافٹ)۔ ان قواعد کا ہونا آپ کو اپنے پیسوں کا بہتر انتظام کرنے اور اہم نقصانات سے بچنے میں مدد کرتا ہے۔
• جب آپ ٹریڈ کرتے ہیں تو، آپ اس بات کو یقینی بنانا چاہتے ہیں کہ آپ کی کمائی ہوئی رقم اس خطرے کے قابل ہے جو کہ آپ لے رہے ہیں۔ آپ کو فیصلہ کرنا پڑتا ہے کہ آپ کی ٹریڈز کتنی بڑی ہونی چاہیے اور انہیں کہاں رکھنا چاہیے۔ رسک اور ریوارڈ میں توازن رکھنا آپ کو دانشمندانہ فیصلے کرنے میں مدد کرتا ہے جو بہت زیادہ رقم کو خطرے میں ڈالے بغیر منافع جات کا باعث بن سکتا ہے۔
• یہ سب سے بہتر ہو گا کہ آپ باقاعدگی سے اس بات کا جائزہ لیں کہ آپ کی ٹریڈنگ کی حکمت عملی کتنی اچھی طرح کام کر رہی ہے؟ اس میں یہ شامل ہوتا ہے کہ آپ کھونے کے مقابلے میں کتنا پیسہ کماتے ہیں اور آپ کی ٹریڈز کس کثرت سے کامیاب ہوتی ہیں۔ اپنی کارکردگی کا جائزہ لینے کے ذریعے، آپ دیکھ سکتے ہیں کہ کیا کام کر رہا ہے اور کیا نہیں، جو کہ آپ کو وقت کے ساتھ اپنی حکمت عملی کو بہتر بنانے کی اجازت دیتا ہے۔

حتمی خیالات

• موجودہ مارکیٹ پرائس کے اوپر اور نیچے مختلف پرائس پوائنٹس پر متعدد آرڈرز ترتیب دے کر اثاثوں کو بائے اور سیل کرنے کا ایک آسان طریقہ گرڈ ٹریڈنگ ہے۔
• یہ طریقہ آپ کو قیمت کی تبدیلیوں سے منافع کمانے کی اجازت دیتا ہے جب قیمتیں کم ہوں تو بائے کریں اور جب قیمتیں زیادہ ہوں تو سیل کریں۔
• آپ 'بائے' اور 'سیل' آرڈرز کی ایک 'گرڈ' کریعیٹ کرتے ہیں جو قیمتوں کے اوپر اور نیچے ہونے پر خود کار طریقے سے عمل میں آ جاتی ہیں۔
• یہ حکمت عملی مختلف مارکیٹس میں استعمال کی جا سکتی ہے، جیسے کہ کرنسیز، اسٹاکس، اور کرپٹو کرنسیز، لیکن ہر مارکیٹ کی اپنی خصوصیات ہیں جن پر غور کرنا ضروری ہوتا ہے۔
• گرڈ ٹریڈنگ کے ساتھ، چاہے مارکیٹ اوپر یا نیچے جا رہی ہو، آپ پیسہ کما سکتے ہیں، اور آپ کو قیمتوں کی مسلسل نگرانی کرنے کی ضرورت نہیں ہوتی ہے۔
• تاہم، اگر مارکیٹ ایک سمت میں بہت آگے بڑھتی ہے تو، آپ کے پاس متعدد ٹریڈز ہو سکتی ہیں جو زیادہ نمایاں خسارے کا باعث بن سکتی ہیں۔