لانگ کال آپشن: یہ کیا ہے اور ٹریڈنگ میں اسے کیسے استعمال کیا جائے

لانگ کال آپشن کم خطرے کے ساتھ کسی اثاثے کی قیمت میں اضافے کے بعد سرمایہ کاروں کو منافع دیتا ہے۔ اس آرٹیکل میں، ہم لانگ کال کی بنیادی اصولوں کی وضاحت کریں گے، اسے کیسے ٹریڈ کریں، اس کے فوائد اور نقصانات، اور یہ کہ سرمایہ کار اس انسٹرومنٹ کا استعمال کرتے ہوئے منافع کو کیسے بڑھا سکتے ہیں۔

لانگ کال آپشن کیا ہے؟

کال آپشن ایک مالی معاہدہ ہے جو، جب نافذ ہوتا ہے، تو سرمایہ کار یا حامل کو حق دیتا ہے، لیکن یہ پابند نہیں کرتا ہے، کہ وہ کسی اثاثے کو پہلے سے متعین شدہ مستقبل کی قیمت یا سٹرائیک قیمت پر ایک مقررہ مدت میں بائے کرے۔ بنیادی اثاثے مختلف ہو سکتے ہیں، بشمول اسٹاکس، کموڈیٹیز، بانڈز، کرنسیاں، انڈائسز، اور دیگر۔

عام اسٹاکس یا شیئرز سے غیر مماثل، جہاں سرمایہ کار کو پوری رقم پہلے ادا کرنا ہو گی، اور یہ کہ کال آپشن کے لیے صرف ایک مختصر ابتدائی ادائیگی کی ضرورت ہوتی ہے۔ مثال کے طور پر، اگر آپ فی شیئر $50 کی قیمت پر 100 شیئر بائے کرنا چاہتے ہیں، تو آپ کو $5,000 ادا کرنا ہو گا۔

اس کے برعکس، کال آپشن بائے کرنے کے لیے بنیادی اثاثے کی قیمت کا صرف ایک چھوٹا حصہ ادا کیا جاتا ہے، جسے پریمیم کہا جاتا ہے۔ مثلاً، اگر اس ہی اسٹاک کے کال آپشن کا پریمیم فی شیئر $2 ہے، تو آپ 100 شیئرز کو سٹرائیک قیمت پر بائے کرنے کا حق کرنے کے لیے $200 ادا کریں گے۔

یہ ابتدائی رقم کال آپشن کے فروخت کنندہ کو جاتی ہے۔ اس کے بعد، فروخت کنندہ کو فراہم کرنے کی ضرورت ہوتی ہے اگر خریدار اس کی درخواست کرے۔ اس حکمت عملی کو شارٹ کال آپشن کہا جاتا ہے۔ علاوہ ازیں، دونوں پارٹیاں معاہدہ کو ختم کرنے کا انتخاب کر سکتی ہیں۔

ایک لانگ کال آپشن خاص طور پر کال آپشن کے خریدار کی پوزیشن کی وضاحت کرتا ہے۔ جب سرمایہ کار کال آپشن خریدتے ہیں، تو کہا جاتا ہے کہ ان کی ‘لانگ’ پوزیشن ہے۔ یہ ایک بلیش حکمت عملی ہے، کیونکہ خریدار کو منافع ہوتا ہے اگر بنیادی اثاثے کی قیمت سٹرائیک قیمت اور آپشن کے پریمیم کی مجموعی قیمت سے بڑھ جاتی ہے۔

لانگ کال آپشن کے بنیادی اجزاء

لانگ کال کے بنیادی اجزاء یہ ہیں:

• پریمیم وہ قیمت ہے جو خریدار کال آپشن کو خریدنے کے لیے ادا کرتا ہے۔ اگر آپشن بیکار ختم ہوجاتا ہے، تو سرمایہ کار کے لیے یہ ممکنہ زیادہ سے زیادہ نقصان ہے۔
• سٹرائیک قیمت وہ پہلے سے متعین قیمت ہے جس پر حامل کو بنیادی اثاثہ خریدنے کا حق ملتا ہے۔ جب آپشن خریدا جاتا ہے تو یہ متعین ہوتی ہے اور منافعیت کے تعین میں اہم ہوتی ہے۔
• میعاد ختم ہونے کی تاریخ ایک مخصوص تاریخ ہے جس پر معاہدہ کو لاگو یا خسارے میں ختم ہونا پڑتا ہے۔ اس تاریخ کے بعد، آپشن موجود نہیں رہتا ہے۔

لانگ کال آپشن سے متعلق اضافی بنیادی تصورات میں شامل ہیں:

• بریک ایون پوائنٹ—یہ وہ اسٹاک قیمت ہے جس تک آپ کو اپنی لاگتوں کو پورا کرنے کے لیے پہنچنا ہوتا ہے۔ کال آپشن کے لیے، اس کا مطلب ہے: سٹرائیک قیمت + ادا شدہ پریمیم۔ آپ صرف اس صورت میں منافع پاتے ہیں اگر اسٹاک اس سے زائد ہو جائے۔
• منافع کی ممکنہ حد—یہ وہ رقم کی حد ہے جو آپ کما سکتے ہیں۔ کال آپشن کے ساتھ، جتنا زیادہ اسٹاک سٹرائیک قیمت سے اوپر جائے، آپ اتنے ہی زیادہ پیسے کماتے ہیں۔
• خطرہ—یہ آپ زیادہ سے زیادہ کتنا کھو سکتے ہیں۔ لانگ کال کے لیے، یہ آپ کے ادا شدہ پریمیم تک محدود ہے۔ چاہے اسٹاک ختم ہو جائے، آپ اس سے زیادہ نہیں کھوئیں گے۔
• زوالِ وقت سے مراد ہے کہ آپشن کی قیمت کم ہو جاتی ہے جیسے میعاد ختم ہونے کی مدت قریب آتی ہے۔ اگر اسٹاک فوری بنیادوں پر آپ کے حق میں نہیں جاتا ہے تو، آپشن بے قدری کا شکار ہو سکتا ہے، حتیٰ کہ قیمت آخرکار بڑھ جائے۔
• وولیٹیلیٹی کا اثر—یہ اس بات کی وضاحت کرتا ہے کہ اسٹاک کی قیمت کتنی حرکت کرتی ہے۔ وولیٹیلیٹی میں اضافے سے آپ کا کال آپشن زیادہ قیمتی بن جاتا ہے، جو سٹرائیک قیمت کے اوپر بڑی حرکت کے امکانات کو بڑھاتا ہے۔

فوائد

لیورج۔. کال آپشنز کا ایک فائدہ یہ ہے کہ وہ صرف مختصر ابتدائی سرمائے کے ساتھ بڑے معاہدوں کی قدریں کنٹرول کرنے کی اجازت دیتے ہیں، جس کی وجہ سے وہ نفع آور ہوتے ہیں کیونکہ وہ لیورج سے بھاری منافع جات حاصل کر سکتے ہیں۔

محدود خطرہ۔. کال آپشن کا خطرے و انعام کے تناسب کا تعین کیا ہوا ہوتا ہے، جو خریداروں کو نقصان کے امکان کو کنٹرول کرنے میں مدد کرتا ہے۔

لچک۔. آپشن ٹریڈنگ میں، سرمایہ کار میعاد ختم ہونے کی مختلف قیمتیں منتخب کرنے کی پوزیشن میں ہوتے ہیں۔ اس طرح، سرمایہ کار کسی بھی وقت مارکیٹ کے آئندہ امکانات کے مطابق اپنی حکمت عملی کو ڈھال سکتے ہیں۔

ممکنہ منافع۔. اگر سرمایہ کار نے صحیح فیصلہ کرلیا ہو تو، وہ نمایاں منافع حاصل کر سکتے ہیں، بالخصوص زائد وولیٹیلیٹی کی صورتوں میں جہاں بنیادی اثاثے کی قیمت میں معقول حد تک اضافے ہوتے ہیں۔

نقصانات

کچھ صورتوں میں معاہدہ ادا کردہ پریمیم کی ابتدائی رقم کے مکمل نقصان کی صورت میں منتج ہو سکتا ہے۔

دیگر اثاثوں، جیسے کہ کرنسیوں کے مقابلے میں، آپشن اساسی کے مطابق ایک کے مقابل ایک کے حساب سے منافع نہیں دیتا ہے۔ بعض صورتوں میں، بنیادی اثاثہ ڈیلٹا کے باعث صرف $0.7 کے لیے $1 کا منافع دیتا ہے۔

ڈیلٹا آپشنز ٹریڈنگ میں ایک کلیدی عدد ہوتا ہے۔ یہ آپ کو بتاتا ہے کہ جب بنیادی اثاثہ، جیسے اسٹاک، $1 کی نسبت سے حرکت کرتا ہے تو، آپشن کی قیمت کتنی تبدیل ہوتی ہے۔ یہ ظاہر کرتا ہے کہ آپشن قیمت کی حرکتوں کے حوالے سے کتنا حساس ہے۔

• کال آپشنز کے لیے ڈیلٹا کی رینج 0 سے 1 کے درمیان ہوتی ہے۔
• زائد ڈیلٹا کا مطلب ہے کہ آپشن اسٹاک کی قیمت کی تبدیلیوں کے حوالے سے زیادہ حساس ہے۔
• کم ڈیلٹا کا مطلب ہے آپشن کم حرکت کراتا ہے جب اسٹاک ایسا کرے۔

مثال کے طور پر، اگر کسی کال آپشن کا ڈیلٹا 0.2 ہے اور اسٹاک $1 سے اوپر جاتا ہے، تو آپشن کی قیمت تقریباً $0.20 بڑھنی چاہیے۔

ڈیلٹا وقت کے ساتھ تبدیل ہوتا ہے۔ آپشن کی زندگی کی ابتدا میں، یا جب آپشن منافع سے باہر کہیں دور ہو تو، ڈیلٹا عمومی طور پر کم ہوتا ہے کیونکہ آپشن کے منافع بخش ہونے کے امکانات کم ہوں گے۔

لانگ کال بمقابلہ دیگر حکمت عملیاں

یہاں، ہم کال آپشن اور دیگر ٹریڈنگ حکمت عملیوں کے درمیان فرق بیان کریں گے۔

لانگ کال آپشن بمقابلہ اسٹاک بائے کرنا۔ سرمایہ کاروں کو لانگ کال کنٹریکٹ شروع کرنے کے لیے، اسٹاک یا شیئرز بائے کرنے کے مقابلے میں کم سرمایے کی ضرورت ہوتی ہے۔ اس صورت میں جب کنٹریکٹ منافع بخش نہ ہو تو اس میں شامل خطرہ کم ہو جاتا ہے۔ مزید برآں، اسٹاک مارکیٹ میں ٹریڈ کرنے یا شیئرز میں سرمایہ کاری کرنے والا سرمایہ کار کسی وقت کا پابند نہیں ہوتا ہے، جیسا کہ آپشن ٹریڈنگ کے صورت میں ہوتا ہے۔

لانگ کال آپشن بمقابلہ شارٹ کال آپشن۔ شارٹ پٹ آپشنز سرمایہ کاروں کو بنیادی اثاثہ کسی مخصوص متفق علیہ قیمت (سٹرائیک قیمت) پر خریدنے کا موقع فراہم کرتے ہیں۔ اسی طرح، فروخت کنندگان کو ذمہ داری کے عوض حقِ معاوضہ کے طور پر پریمیم ملتا ہے۔ آپشن ختم ہوجاتا ہے یا اس کی قدر ختم ہو جاتی ہیں اگر قیمت سٹرائیک قیمت سے بڑھ جاتی ہے۔ تاہم، سرمایہ کار کو سمجھنا ہوتا ہے کہ فروخت کنندہ کا منافع متفق علیہ ابتدائی ادائیگی تک محدود ہوتا ہے۔

مثالیں

نیچے والا خاکہ لانگ کال آپشن کی وضاحت کرتا ہے۔ پہلے، سرمایہ کاروں کو سمجھنا چاہیے کہ زیادہ سے زیادہ خطرہ آپشن کی قیمت پر بالائی حد لیے ہوتا ہے۔ چنانچہ ممکنہ نفع اور منافع کی ممکنہ حد لامحدود ہوتی ہے۔

دوسرے، سرمایہ کار کو پیسے بنانے کے لیے، بنیادی اسٹاک کی قیمت کو میعاد ختم ہونے کی تاریخ پر سٹرائیک قیمت سے زیادہ ہونی چاہیے۔

نیچے دی گئی مثال میں، $100 کی سٹرائیک قیمت کے ساتھ $5 کے عوض خریدے گئے لانگ کال آپشن میں ممکنہ نقصان $500 ہے اور نفع لامتناہی ہے مگر صرف تب اگر قیمت بڑھتی رہے۔ یہ سمجھنا ضروری ہے کہ سرمایہ کار کو پیسے بنانے کے لئے بنیادی قیمت کو میعاد ختم ہونے تک $105 سے زیادہ ہونا چاہیے۔

لانگ کال آپشن کو کیسے استعمال کریں

لانگ کال آپشن کو استعمال کرنے میں کال آپشن بائے کرنا شامل ہوتا ہے جب آپ کو توقع ہوتی ہے کہ بنیادی اثاثے کی قیمت بڑھ جائے گی۔ یہاں مذکور ہے کہ یہ حکمت عملی مؤثر طریقے سے کیسے استعمال کی جاتی ہے:

1. مارکیٹ کا تجزیہ کریں۔ کوئی بھی سرمایہ کاری کرنے سے پہلے، آپ کو مارکیٹ پر مکمل تحقیق کرنا ہو گی تاکہ اناثے کی شناخت کی جا سکے جو قدر میں اضافے کی ممکنہ صلاحیت رکھتے ہیں۔
2. سٹرائیک قیمت اور میعاد ختم ہونے کی تاریخ کا انتخاب کریں۔ اپنی پسند کا اثاثہ منتخب کرنے کے بعد، سٹرائیک قیمت منتخب کریں۔ اس کا آپ کی مارکیٹ کی سمت کا نمائندہ ہونا ضروری ہے۔ پھر، اس تاریخ کو منتخب کریں جب آپ کو کنٹریکٹ بند کرنے کی توقع ہوتی ہے۔
3. پوزیشنز کی باقاعدگی سے نگرانی کریں۔ مارکیٹ کے حالات تبدیل ہوتے رہتے ہیں، لہذا باقاعدہ جائزے سے آپ کو اپنی حکمت عملی کو وولیٹیلیٹی اور قیمت کی حرکت کی بنیاد پر ایڈجسٹ کرنے میں مدد ملتی ہے۔ کوئی بھی حکمت عملی جام مقدس نہیں ہے—حتیٰ کہ بہترین حکمت عملی بھی نقصان کر سکتی ہے۔
4. اپنے منافع کے اہداف اور زیادہ سے زیادہ قابل قبول نقصان کا تعین کریں۔ یہ مقولہ یاد رکھیں، ‘لالچ اچھے سرمایہ کاروں کو ہلاک کر دیتی ہے’، اور جب اسٹاک آپ کی قیمت کے ہدف تک پہنچ جائے تو تب اپنی پوزیشن کلوز کر دیں۔

کامیابی کے امکانات کو کیسے بڑھائیں

چھوٹے پیمانے پر شروع کریں۔ اگر آپ آپشنز ٹریڈنگ میں نئے ہیں تو یہ دانشمندانہ ہے کہ مختصر سے شروع کریں، کیونکہ اس سے آپ کو مارکیٹ کو جاننے اور تجربہ حاصل کرنے کا وقت ملے گا۔ نیز، ہمیشہ یاد رکھیں کہ ٹریڈنگ پُرخطر ہے—کبھی بھی اس سے زیادہ سرمایہ کاری نہ کریں کہ جسے آپ کھونے کے لیے تیار ہوں۔

تکنیکی تجزیہ استعمال کریں۔ دہائیوں سے، تمام سرمایہ کاروں نے انٹری اور ایگزٹ کے ممکنہ ایریاز کی شناخت کے لیے تکنیکی تجزیہ کا استعمال کیا ہے۔ علاوہ ازیں، تکنیکی تجزیہ میں، آپ اپنی حکمت عملی کو بہتر بنانے کے لیے چارٹ پیٹرنز شامل کرسکتے ہیں، جیسے ہارمونکس اور کینڈل اسٹک پیٹرنز۔

باخبر رہیں۔ اچھے سرمایہ کار مارکیٹ پر اثر انداز ہونے والے بنیادی عناصر کے متعلق اپ ڈیٹ رہتے ہیں۔ اس طرح، بلاگز یا چینلز کا انتخاب کریں جو آپ کو خبروں جیسا کہ آمدن کی رپورٹس، کنزیومر پرائس انڈیکس، اور دیگر ضروری عوامل پر اپ ڈیٹ رکھتے ہیں جو کہ آپ کے چنیدہ اثاثوں پر نمایاں طور پر اثرانداز ہوتے ہیں۔

اپنے پورٹ فولیو کو متنوع بنائیں۔ اپنے پوری سرمائے کو ایک اثاثے میں نہ ڈالیں۔ پورٹ فولیو کریعیٹ کرنا آپ کو کامیاب ہونے میں مدد دے گا کیوں کہ غیرفائدہ مند پوزیشنز کی دیگر سے تلافی کر دی جائے گی۔

حتمی خیالات

• لانگ کال آپشن ٹریڈنگ ایک قسم کی سرمایہ کاری ہے جو خریداروں کو اس کی لیورج نوعیت کی وجہ سے منافع کمانے کی اجازت دیتی ہے۔
• لانگ کال کے اہم اجزاء میں پریمیم (زیادہ سے زیادہ نقصان)، سٹرائیک قیمت، اور میعاد ختم ہونے کی تاریخ ہیں۔ منافع پانے کا انحصار بنیادی اثاثے کی قیمت کے اسٹرائیک پرائس سے متجاوز ہونے کے علاوہ پریمیم کی میعاد ختم ہونے پر ہے۔
• فوائد میں لیورج، محدود خطرہ، سٹرائیک قیمتوں اور میعاد ختم ہونے کی تاریخوں کے انتخاب میں لچک، اور چڑھتی مارکیٹس میں زیادہ منافع کا امکان شامل ہے۔
• نقصانات میں پورا پریمیم کھو دینے کا امکان ہے اگر آپشن کی بے کار میں میعاد ختم ہو جائے اور ڈیلٹا کے باعث قیمت کی غیر مستقیمی حرکت ہو، یعنی آپشن کی قیمت بنیادی اثاثے کے مقابل میں دو بدو نہ بڑھے۔
• ایک نئے سرمایہ کار کی حیثیت سے، آپ مارکیٹ ریسرچ کا انعقاد کریں اور ابتدائی مراحل کے دوران چھوٹے قدم اٹھائیں۔ یاد رکھیں کہ آپشن ٹریڈنگ بڑے نقصانات کا باعث بن سکتی ہے؛ لہذا، صرف وہ رقم سرمایہ میں لگائیں جو آپ کھونے کے لیے تیار ہیں۔